२/माघ/२०८१
विवेक परियार , लहान
लहान नगरपालिकाको वडा न.९ गोठ टोलमा माघे संक्रान्ति तथा थारु सम्वत २६४८ को अवसरमा तेस्रो माघि महोत्सव आयोजना गरिएको छ।उक्त महोत्सवमा लहान नगरका प्रमुख महेश चौधरीको प्रमुख आतिथ्व रहेको थियो।भने यसै नगरका पुर्व नगर प्रमुख प्रकाश केसि विशिष्ट अतिथि साथै अतिथि यसै वडाका वडा अध्यक्ष घुरन चौधरी,वडा न.७ का वडा अध्यक्ष राम अवतार शर्मा,वडा न.२० का वडा अध्यक्ष गणेश चौधरी समेतको उपस्थिति थियो।भने आम जनसमुदायको बाक्लो उपस्थिति रहेको थियो।
यस कार्यक्रमका प्रमुख अतिथि महेश चौधरीले यो कार्यक्रम महोत्सवको रूपमा मात्र नभएर यस्ले नगर भरिका थारु समुदायहरुको संस्कृति,संस्कार र पहिरण,पहिचान एवं थारु समुदायको इतिहासलाइ नै जगेर्ना गर्ने काम गरेको छ भन्ने शुभकामना मन्तव्य राख्नु भएको थियो।
यसै नगरको वडा न. २२ वर्छ्बा मा पनि पाँचौ माघि महोत्सव आयोजना गरिएको थियो।उक्त महोत्सवमा विभिन्न संस्कृतिक कलाकारहरुको प्रस्तुते सहित भव्यताका साथ कार्यक्रम संचालन गरिएको थियो।