चन्द्रदिप यादव
लहान, फाल्गुन/२७ सिरहा जिल्ला, साविक राजपुर गा.वि.स. वडा नं. ८, हाल विष्णुपुर गा.पा. वडा नं. ३, रजोखैर निवासी जोखाई यादवका नाति तथा पुलकित सुनरैत यादवका छोरा अरुण यादवको असामयिक निधन सम्बन्धमा जानकारी गराउन चाहन्छु।स्व. अरुण यादवको मिति २०८१।११।१५ गते बिहान ५:०० बजे निधन भएको दुःखद् खबर छ। निज मृतकका परिवारमा पत्नी १, छोरा १, छोरी २, वृद्ध आमा १ गरी ५ जना सदस्य रहनुभएको छ।
स्व. अरुण यादवको परिवार अत्यन्तै विपन्न, गरिब तथा आर्थिक रूपमा कमजोर अवस्थाको भएकाले हाल गाउँका बासिन्दाहरूले चामल तथा आर्थिक सहयोग संकलन गरेर सहयोग गरेका छन्।उहाँहरूको जीविकोपार्जन कठिन भएकाले थप राहत तथा सहयोग आवश्यक रहेको व्यहोरा जानकारी गराउँदै सम्बन्धित निकाय तथा मनकारी व्यक्तिहरूबाट सक्दो राहत प्रदान गरिदिनुहुन हार्दिक अनुरोध गर्दछु।
तपाईंहरूको सहयोगले पीडित परिवारलाई ठूलो राहत प्राप्त हुनेछ। आशा छ, तपाईंहरूको सक्दो सहयोग प्राप्त हुनेछ।
