राष्ट्रिय स्वतन्त्र पार्टीको विष्णुपुर–३ मा प्रथम वडा अधिवेशन सम्पन्न, नयाँ वडा समिति गठन

News: Chandradip Yadav

बिज्ञापन

सिरहा, २०८३ जेठ ३ — राष्ट्रिय स्वतन्त्र पार्टी अन्तर्गत विष्णुपुर गाउँपालिका वडा नं. ३, राजोखैरमा प्रथम वडा अधिवेशन भव्य रूपमा सम्पन्न भएको छ। आइतबार बिहान ११:०० बजे आयोजित अधिवेशनमा पार्टीका नेता तथा कार्यकर्ताहरूको उल्लेखनीय सहभागिता रहेको थियो।

कार्यक्रममा पार्टीका अध्यक्ष सन्तोष यादवको अध्यक्षता तथा विशेष अतिथि **व्रजनन्दन चौधरी (विक्की)**को विशेष उपस्थितिमा बैठक बसेको थियो। अधिवेशनमा संगठन सुदृढीकरण, वडा तहमा पार्टीको विस्तार तथा आगामी गतिविधिबारे गहन छलफल गरिएको थियो।

बैठकले सर्वसम्मत रूपमा नयाँ वडा समिति गठन गर्दै संगठनलाई थप प्रभावकारी र सक्रिय बनाउने निर्णय गरेको छ। नवगठित समितिमा निम्न पदाधिकारी तथा सदस्यहरू चयन भएका छन्–

वडा समिति गठन
• सभापति – सन्तोष यादव
• उपसभापति – मानती कुमारी राम
• सचिव – मोनिका मण्डल
• सदस्य – उर्मिला देवी महरा
• सदस्य – संजीव कुमार यादव
• सदस्य – जयनाय साफी
• सदस्य – रवीरञ्जन यादव
• सदस्य – लालबहादुर श्रेष्ठ
• सदस्य – मिश्रि महरा
• सदस्य – शिला महरा

अधिवेशनमा सहभागी वक्ताहरूले वडा स्तरबाटै पार्टीलाई मजबुत बनाउँदै जनताका मुद्दा उठाउने प्रतिबद्धता व्यक्त गरेका थिए। नवगठित समितिले विष्णुपुर–३ मा पार्टीको संगठन विस्तार, जनसमस्याको समाधान तथा स्थानीय स्तरमा सक्रिय राजनीतिक भूमिका निर्वाह गर्ने विश्वास व्यक्त गरेको छ।